يا قدرة الله ما أحسب الحب جلاد=ولا أحسب سهومه ياصلني مداها
أثري سهوم الحب لاصابن حداد=أعتى عتاوي ماتحمل شظاها
جتني شظية بُعدها مهاد ومهاد=غفلة وصلني لفحةٍ من هواها
وأمسيتْ .. أشكي داخل القلب وقاد=والعين هلت وأنتثر كل ماها
لا أداني الديره ولا أداني الزاد=أزم روحي والبلاء في حشاها
لاعدت ياذا اليوم والحب ماعاد=ولا عاد من روحة سبايب عناها
ولعل عقلٍ شاقه النقص مازاد=ونفسٍ ضعيغة لارحم من قناها
أنا من اللي لانوى ياصل الماد=ولا قال كلمة للنشامى حماها
أخلي الدسمة على روس الأشهاد=وأعود للي غارقة في عماها
أقول .. والله ماعلى الذل ميراد=نفسي عزيزة والمعزة سماها
غير أتسلى وأتمثل بالأنشاد=والقلب صافي والسما ما كماها