يقول لافي بعد طول المغيبة=سلام ياعز العرب والعوافي
أعداد ما يُنْثر من الطيب طيبة=وأعداد ما سِطِّر في نظم القوافي
يقولها من دون شكٍ وريبة=لا شك عندي يا الرفيق السنافي
ربعي ذراية في الليالي العصيبة=أهل الحمية في السنين العجافي
عزامهم من كل حدبٍ وصيبة=يلقى سلوم رجال والقن ضافي
هم علة الحراب عند الحريبة=وهم عزوة اللي صار للنوم جافي
وهم عز للملهوف عند المصيبة=وهم راية المعروف مع كل لافي
ويا صاحبي لاقلت ماقلت غيبة=ولا أقول بعض القول وأكن خافي
الجود لأهل الجود ماهي غريبة=ألا معاني جات من قلب صافي
هذا كلام اللي يثمن صحيبة=وأضن منه يضمر الطيب كافي