بسم الله الرحمن الرحيم

بيض الله وجهك ووجيه الرجال = اللي أمثالـك يسـدون اللـزوم
الوفاء لأهل الوفا في كل حـال = يازبون اللي نصاك من الهمـوم
مايجيـك إلا ويرجـع بإبتهـال = فارج ٍ كربه عسى عمرك يدوم
ياصبي زهران ياطيب الفعـال = ياعقيـدٍ فـي بدالـك والهـدوم
تستحق المدح ياواف الخصـال = ياحميد الذكـر يازيـن العلـوم
ياوفي ٍفـي مواجيـبٍ جـزال = فارس الميدان ضرغـام ٍقـدوم
والله إن الطيب صعبٍ ماينـال = مايطوله كود من مثلك جـزوم
مايحسـب للمخاسيـر الثقـال = همه المعروف ولكسبـه يشـوم
البخل وأهله عساهم فـي زوال = الردييـن البخيليـن الـرخـوم
ماعمر منهـم يعبـدون الريـال = إحفظوا حق الرفاقـه والسلـوم
يحسبون إن الرجوله والكمـال = جمع قرشيـن ٍردييـن العـزوم
ضيعوا سلم الكرام من الهبال = مادروا إن الدراهم ماتدوم
مايدوم إلا الجمالـه بالرجـال = والردا من الخير راعيه إمحروم
والصلاة أعداد ذرات الرمـال = على نبي ٍمن سنا النار إمعصوم