أبدأ بذكر الله نضم المثيله= وعلم اللي يتسمى iiبصدام
وقول يا مغرور ما فيك iiحيلة=كلٍ نصحك وغرك الطيش iiوأحلام
وخلاك تغدر جارتك جوف iiليلة=خنت العهد واللي عقدته من iiإبرام
وانته من أول تدعي iiبالجزيله=وتقول إنك للعرب صرت iiصمام
وين العلوم السابقة والصميله=ولا مهرج تدعي بس iiبإعلام
أظنك يخيلك براسك iiمخيله=وتحس في راسك زعاطير iiوأوهام
غرتك هقوتك وكسبت لك iiفشيله=وخلتك تحكم على شعبك iiإعدام
جبت السواد لربعتك iiوالقبيله=على الردى تحمل إشارات ووسام
ولازم تجرع علقمه iiحنظليله=جني جنيته تاكله غصب iiورغام
عاداتنا نجزي على الكيل iiكيله=وكلٍ نفصل له على الكيف iiهندام
بالطيب نجزي طيب ولا نحب iiعيله=ومن يبتلينا له الموت iiهدام
نملك جيوش ضاربه والدليله=فهد العروبة قايد الجيش iiضرغام
لا قال يفعل ما يجي فيه iiميله=يشهد له التاريخ في ماضي iiالأعوام
وعبد الله اللي محتسى للثقيله=كيد الحريب وللعدو سم iiوخطام
وسلطان لا قالوا على الحرب شيله=وجه جيوشه للمعادين iiقدام
حنا سعوديين نرقى iiالطويله=واللي زبنا مالك الله iiينضام
أصحاب مبدأ وعاده iiنبيله=والأصل فينا وارثينه من iiكرام
نناصر الظلوم ثم نرتكيله=والحق نرفع له بوارق iiوأعلام
الظلم ما نرضاه ولا iiنلتجيله=نجمع ونسكب على راسه أكوام
نجيب من نبغى حتى iiنزيله=لو كان أية جنس من حام أو iiسام
ومستغرب أن الناس تبغى الفضيله=تدافع وتطرد كل مجرم iiوهدام
الكيف ما هو كيف ينجي iiدخيله=الكيف ان الشعب يسكت iiلصدام
ولو رحت للسوفيات تبغى iiوسيله=تنجيك من فعل فعلته وإجرام
ما عاد يمدي دولةٍ لك iiعميله=تستر عليك الظلم والغدر iiلنيام
غدرتهم وأشعلت فيهم iiفتيله=واليوم تبغى لك سلامة iiوإسلام
ما حد موافق لك فأنته هبيله=تبغى السلامة وانت للناس ظلام
ظلمت شعبك قبلهم iiوالحصيله=حربك ثمان سنين تهديه iiبأيام
ولا حد يظن أخوه يقدر iiيجيله=ويحط في صدره صواريخ iiواسهام
أثرك عدوٍ غاطس iiبالرذيله=خاين وغادر فوق هذا ونمام
فاللي فعلته رجعه ثم زيله=ورد الكويت وما جرى له من حطام
واللي حرقته بحقل iiالرميله=وما جاوره حرقت بتروله iiالخام
لازم تطفي شعلته iiوالمليله=وابحث وطلع ما زرعته من iiألغام
واسحب لجيشك واغتنم ما iiبقيله=جاتك الجيوش الزاحفة تضرم اضرام
النذل مثلك ما يخلى iiسبيله=لامه تكسر شوكته قدم الأنام
تمت وصلوا عند وبل iiالمخيله=على النبي اعداد من حج أو iiصام