فرصه ثمينه يالغضي نلتقي فيك=من عقب ما صعب الزمان انتحىبك
صدفه بلا ميعاد ما قصدي اجيك=جابتني الصدفه ليا عند بابك
والله ماني يا هوى البال ناسيك=ويش عاد لو طول علينا غيابك
انا اشهد ان القلب بالحيل مغليك=ليت الغرام اللي لجى به لجى بك
حتى تعرف الحب وشلون يطويك=وتشوف بالفرقاء عناك وعذابك
وحتى تحس اللي جرا لي ويعطيك=عن بعض لوعات الهوى لا سعى بك
وتعرف مدى حبي وتنسى تحديك=وتحسب حسابي مثل ما احسب حسابك
وتعرف مدى صبري وتترك تماديك=وتقدر تعدل غلطتك في صوابك
فرصة سعيدة يامنى القلب يدعيك=منهو بعد طول المغيب التقى بك
في عودتك نفرح عسى الله يحييك=يامرحبا يامسهلا ياهلا بك
[/poem]