بتاريخ 29 /4/ 1429 هـ
هذا البدع والرد بين الشاعرين
مرحوم بن خضيري النجبي & حامد بن ضيف الله المعبدي
إليكم البدع من:
مرحوم
شفت الغزال الذي مرغوب = في الصبح يمشي على هونه
بقيت من نظرته مصيوب = وارتعت من نظرة عيونه
جميل في طلعته خرعوب = عذاب للي يشوفونه
ياليت يبطل الملعوب = ويحافظ على الزين ويصونه
حامد
هذا بلا عقاب يايعقوب = ريم الفلا اللي تقولونه
قصده من المشي دوبه دوب = قناصة الصيد يرمونه
لكن غض النظر مطلوب = خل الضبي يروح في شؤنه
يسبح في بحر الهوا ويجوب = لاعاد بالعين ترعونه
ودمتم