شمعة تناجي ظلام الليـل=والنارلحقـت أواخـرهـا
واللي سمعته سقاني الويل=نفس المواقف أشاهدهـا
لا بد توفي لنا التدليل=حتى المعاني نفندهـا
لعل فالمسألـه تعليـل=وحروف تقبل محامدها
يوم المشاهد دهتني حيل=أصدرت حكمه تساندهـا
لو كنت شاكك أعيد الكيل=أوقـد شموعـي واراقبهـا
ماكل دله بوسطها هيل=لو كنت بالعين تنظرها
أحذر لعل الأمر تضليل=ياصاح بالقن عاينهـا
كثر المطر انتهى بالسيل=والعين سالت مدامعهـا
ترقى لنجم الجدي وسهيل=تمشي وهي في محاجرها
لابد بعد السيـول اتحيـل=أرضـك وتنبـت منابتهـا
وبالوزن صده حذاري اتكيل=وبالطيب روحـك تقاربهـا
ما طار طير ٍ نِتف للذيل=إلا وقع من شواهقها
قلبي كما من ضرا بالشيل=بسمع كلامك واباعدها
اليوم نضرب لكم تمثيل=أمثـال بالـقـن اصـورهـا
الشد يظهر أصيل الخيل=وتمـوت دونـه هزايلـهـا