سلام ردّة وفا فالحال=للي دعانا وللجمهور
تقدير منّا وفا واجلال=للكل شامل بدون قصور
باعداد ماهل من همّال=يامرحبا والليالي تدور
جانا وفاكم بدون جدال=وجودكم زاد قلبي سرور
عسا البقا ياجويد الخال=مثلك علم بالوفا مذكور
معكم نبا نرسم الأمثال=الآن ونسدّد المنشور
هات المثل ماعليه ظلال=ويجيك مني خبر مقرور
من دون شكوى ورد سؤال=مايكتب علاجه الدكتور

دون الأماني بحر واهوال=والقلب في غبته مخطور
وخوفي من الوقت لايغتال=روحي ويبني عليها سور