المشاركة الأصلية كتبت بواسطة قراح الحربي

مريت دار الملتقى ولقيت لي جمع (ن) غفير= وبديت با الطاروق والمعنى على الوجه الصحيح
من يرقب الساقه وياصل قاعة الجم الغزير = يا من يصافح له يميناٍ ما تبا الكف الشحيح

المشاركة الأصلية كتبت بواسطة خالدفهدالحربي

الملتقى يفخر بمن مره على عبر الا ثير= واللي يبي يلعب يجي والفرق باالمعنى الصريح
من جا على الساقه وصل لوهو على ظهر البعير=لاكن تجود وحتزم باالسيف وحذر لاتطيح

المشاركة الأصلية كتبت بواسطة قراح الحربي

فيك البقا يا خالد بن فهيد عجل با المسير= عسا الصهيل الي سمعنا ما يجي عقبه فحيح
الارض كوره دايريه والكواكب تستدير = نجمٍ يغيب ونجم يطلع في فضا الكون الفسيح

المشاركة الأصلية كتبت بواسطة خالدفهدالحربي

الله ومانه يارجل عن كلمتي مانستخير=لاكن تهرج وبتهل والغرب في حبل وسريح
والكوره اللي تدرج في صبح ولا في عصير=واللي بطرق السامري يلعب على طرق الرديح

المشاركة الأصلية كتبت بواسطة قراح الحربي

لد النظر يم النجوم العاليه لا تستثير = خلك سعودي والسعودي دايمٍ هباب ريح
ما عاد ندري جونا هو حر او برد وهجير = واليا نزلت السوق كلٍ فاتحٍ فمه ويصيح

المشاركة الأصلية كتبت بواسطة قراح الحربي

ماقلت لك مع اول المشوار لو جاك النذير= لا تشيل هم العولمه لو قلت بلسانٍ فصيح
تغيرت كل الامور الاوله دنياك غير= هاذي مصالح عامه تبيلها قولٍ صريح

المشاركة الأصلية كتبت بواسطة خالدفهدالحربي

اتقول لي واقول لك والله عليم(ن) بلمصير=لاكن زمان العولمه حط المجوخ بضريح
ماحد مغير سيرها ياراعي الصفرا الظهير=سر الامور بدربها وازين من السب المديح

المشاركة الأصلية كتبت بواسطة قراح الحربي

الله قدير اتشوف لك راعي غنم بكره وزير= والي مثل راع الغنم يبقى لها رجل نصيح
الله عطانا خير والله يعطي الخير الكثير=لكنها صارت دوا لعيون ملحه والمليح

المشاركة الأصلية كتبت بواسطة خالدفهدالحربي

ادخلتنا في دايره يتعبها راع الضمير=فيها المسما معترفله يستعد ويستريح
عطاك الاصل وناموس لاكنه حطك فقير=والمال وشيكات بيدين الحضارم والجميح