ياسلامي و القصير صاحبي ما أريد غيره=كل يوم ازهم عليه و لاحج\ياة لمن تنادي
يالله انك لاتعرضنا للأمراض الخطيره=علة الشعار و الشاعر يهيم بكل وادي
مرحبا ترحيب يرمي بك على النار السعيره=لد عينك فوق يامخلوق مدري ياجمادي
احمد الله يوم ريحناك في هضبة وعيره=الخسارة لو تحاربني على شربي وزادي
البقاء بأهل البقاء و معزبي مكثور خيره=و أنت يامسعد قصير ماتجي فوق الشدادي
الخسارة لو ماصدتك فالايام الاخيره=ياحجور مطلعين النار من تحت الرمادي
الحديث اللي رويته مارواه أبو هريره=ابتداء دور الكراسي و البلد كله بلادي
بكره نعزيك عن سلوى و جدتكم سميره=تابع الاحداث بالتلفاز و إلا بالروادي
مارويت إلا الحقيقه فالبلاد و فالجزيرة=انت غادي و الكذوب اللي عطاك العلم غادي
القصير له ثلاث ايام جافل به بعيره=قالوا الجهنان وش جفل بعيره قلت عادي
يالله استر يالسحيمي قبل لا أبيح السريره=و أنت في ذيل الجمل شقران أقل من القرادي
و أنت عادي يالسحيمي ما أنت من روس العشيره=بيض الله وجهك التبييض أخير من السوادي
مشكلة طير البحر لو طار مايبعد مطيره=و أنت أضنك ماتروح بعيد لين انك تصادي
كل واحد يشتري ويبيع و يحاسب ضميره=نصكم ياقوم تحرقهم شراره من زنادي