هذا زمان الغربله والبهاذيل=في عصر فن العولمه مادرينا
من عقب حط وشيل واحط واشيل=صارت سلوم الغرب منّا وفينا
والله تبدل حالنا شر تبديل=واراذل الجنسين شاخت علينا
ياحبنا ياسعود للقال والقيل=واحقادنا بصدورنا ماتبينا
وصهيون بالعربان سوت بهاذيل=وعراقنا بيد الحقير اللعينا
وصدامنا صدامنا شهم حلحيل=في موتته عارٍ علينا مُبينا
من ضعفنا صارت علينا مداخيل=ومن جهلنا عن ديننا مبعدينا
حنا نحب اهل الغناء والمواويل=ومطارد الموضات واجب علينا
مثل الجهاز اللي تهكر بتعطيل=وتعطيلهم بافكارهم مشغلينا
لو نمسك الاسلام صرنا حلاحيل=والعز بالاسلام دنياً ودينا
والله عطانا كتاب به خير تنزيل=لكن على غير الشريعه مشينا
ياوجد حالي من ليالٍ مقابيل=يالله ياربي عليها تعينا
ياسعووود لاتبحل بكثر التفاصيل=دايم سلوم الغرب تثر علينا