=جباره العروي
ياملتقى يروى الظامـى=ياعـد مايقـل ميـراده
يحمل اسم ربع وحشامى=دايم على الطيب معتاده
من ينبع النخل مقدامى=وحسب القوانين والعاده
سلام فالمستوى السامى=للملتقـى وكـل رواده
=صقر المقرح
يا مرحبا يابحـر طامـي=يا عِلم ما نـدرك ابعـاده
حيّاك يالسبع ياعصامي=ياللي بـك الطيّبـه عـاده
شرّفتنـا وصـار إلزامـي=نبدي لك الشكر وزيـاده
الملتقى اليوم ياهمامـي=كمّلـت فرحـه وإسـعـاده
=الوافي الجريح
يامرحبا خطت اقلامـي=لاهل المواجيب واسياده
ياقرم من خيرة اقوامي=صيتك مثل نار وقـاده
يامقدم الطيـب قدامـي=جاتك معانيـه منقـاده
استاذ فالشعر علامـي=والملتقى نوركـم زاده
=البحار خالد
يامرحبا الف وانعامـي=يامير ياسيـد السـاده
الدار فرحت لك الزامي=وصفوا لك الجند والقاده
تقدير يابحـر ياطامـي=يعلوا مع الموج بزيـاده
ترحيب ياسيد ارحامـي=اللي لهم قـن وسيـاده
=بيان الصمت
ترحيب من نهج الاسلامي=تعداد مـا كبـر عبـاده
يا من على الخير مقدامي=وللحق ثابـت بأسنـاده
في ملتقى عز واكرامـي=يحمل لك الطيب وزيـادة
الجمع فزوا لـك قيامـي=يا وبـل جانـا فميعـاده
=ابو فرح
يامرحبا فيك ياهمامـي=يارائد الشعر واستـاده
يامنهل الطيب الزامـي=نوفي لك المد وزيـاده
مثلك فبحر الوفا عامي=وعنده لها سبق ورياده
بوجودكم زانت ايامـي=والملتقى اعلن اعياده
=الدكتور
ترحيب فرحت به اقلامـي=وللان لازال فـي زيـاده
فرحان بقدوم الاعلامـي=اللي لهم سبـق وريـاده
مشاركـة عـز قـدامـي=من سادة القيل وعمـاده
ومادام الاصحاب في ليامي=الملتقـى يعلـن اعيـاده
=عبدالعزيز الزويهري
ترحيب واجب و الزامـي=ترحيب ما نحصي أعداده
من قلب مع فرحته هامي=ياصلك بثه مـن امـداده
مثلك مع الطيب متوامـي=و نبراس تشهد له أمجاده
ما يختلف عبر الأيامـي=يبقى عَلَم مرصد ارصاده
=صحت السنتكم
=وحيا الله العم ابو سعيد