يقول اللي من اهمومه رقى راس الطويل وصاح=ولجلج مع صدى صوته حضاف الضلع واهضابه
يجاوب بالصدى صوتا تردد مع صفى واصواح=علي مر الحقايق واقعي كشر عن انيابه
اناظر بالدروب اسبر واميز وسطها الاشباح=لقيت اسهل طريق اصعب طريقا ينتهقوابه
وبغيت المركب المبحر وغدربي حضرة الملاح=وتجاهلت الهدف بعد الامل ماماتت اسبابه
رحل نور السفر وابطى ظلام ما وراه اصباح=اهرب امن القهر والقا الشقا قدمي بمصلابه
وقعت بـير واللي جا يطلعني عليه طاح=حقيره ياليالي لاأدبرت باللي توطابه
علي ظهري عسرة ايدي ونخيت وفزعتي ذباح=وابي فزعة امجيب ادعاي كريم ما قفل بابه
بعين اعمى اخيل اخيال واشوف البارق اللواح=وعلي رجل الكسير امشي طريقي وانقض انشابه
تذريت الجمر عن حر قيضا واهجه لفاح=واخذت الثلج عن بردا قوي ابغى اتدفابه
رقيت اكبر جبل ادور الراحه عشان ارتاح=جمعت من التعب كبر الجبل والهين اسبابه