؛‘؛
أخوف مني مافي ...
مرة ايام الثانوي في الصف الأول ثانوي ...
كنت على نياتي ووراي بنات الشر من عيونهم طالع ...
قالوا لي انتي قدام الباب نبغاكِ بس ترمين الورقه قدام الباب
وتجي بنت تاخذه ...
طبعا كان علينا اختبار في هذي الحصة ... والورقه فيها اسئلة
الإختبار وبتاخذها بنت من الفصل الثاني لأنه عليهم الحصة اللي بعدنا نفس
الإختبار ونفس الأسئلة ...
رفضت والحوا علي وافقت قلت بس أرميها ومالي دخل قالوا اوك ...
والمنحوس منحوس ...
وأرمي الورقه وتطيح في وجه وحدة من الإداريات ...
وتجرني على الإدارة ... ومسويه فيها أمينة ...
ساكته ماعلمت على البنات ...
الين وحدة من البنات حنت علي وحكت كل السالفه ...
الكل يضحك الا أنا أبكي مالت علي ...
ووحدة تقول لا تخافين التعهد اللي كتبناها ورقة اي كلام تترمي بعد
شوي في سلة المهملات بس حركة تخويف لنا ...
وأنا ميته رعبة ...
والله من عقبها حتى الغشاشات ماجي عندهم ...
؛‘؛