المشاركة الأصلية كتبت بواسطة نداء الغيداني

البارحه حضر على الفكـر طـاروق=وجبت القلم بالحال ثم جبت الاوراق

المشاركة الأصلية كتبت بواسطة نداء الغيداني

وبديت باسم اللي خلق كل مخلـوق=اللي فرق بين البشر خلق واخـلاق
اللي جعل بالناس محـرم ومـرزوق=سبحان من بيديـه تقسيـم الارزاق

المشاركة الأصلية كتبت بواسطة نداء الغيداني

وسجلت مايطري على البال برفـوق=من شان ما ادون سوى كل مـا لاق

المشاركة الأصلية كتبت بواسطة نداء الغيداني

ماني بشاعر بس يجذبنـي الشـوق=لحل طـاروقٍ لـه القلـب يشتـاق

المشاركة الأصلية كتبت بواسطة نداء الغيداني

بالذات لاصار الهدف عالـيٍ فـوق=يبعد عن اهدافٍ تجي بيـن عشـاق

المشاركة الأصلية كتبت بواسطة نداء الغيداني

انا هـدف معنـاي للـي لهـم ذوق=ناسٍ لهم مع سامي الشعـر ميثـاق

المشاركة الأصلية كتبت بواسطة نداء الغيداني

يابو بدر مثلـك مجـرب وماثـوق=بالطيب والمعروف والعرف عمـلاق
ولك مركزٍ في ساحة الشعر مرمـوق=شعرك جزيل ومعجـب كـل الاذواق

المشاركة الأصلية كتبت بواسطة نداء الغيداني

ماقلتها عاشـق ولانـي بمعشـوق=ولا شاقني مزيونـةٍ زينهـا دقـاق
ولا ناقصٍ حاجه ولاضاعت حقـوق=والصدر لو كثرت طواريه ماضـاق

المشاركة الأصلية كتبت بواسطة نداء الغيداني

قلبي من اسباب الهواجيس محروق=أخفيتهن لين احرقن قلبـي احـراق
يجي لهن في صدري رعود وبـروق=وليا استهلن اغرقن فكـري اغـراق

المشاركة الأصلية كتبت بواسطة نداء الغيداني

اسباب وضعٍ صار في وقتنا عـوق=من سبته درب السعه عقبها ضـاق
شي حدث في وقتنا ماهو مسبـوق=ضيق على بعض المشاكيل بخنـاق
باب السنع من معظم الناس مطروق=لا شـك مقفـولٍ بضبـه ومغـلاق
كم واحد جاله يسوق القـدم سـوق=وعنده وقف لين اتعب العين والساق
وعود تقول انه على الوجه مصفوق=لا وخسارة جيتـه قبـل الاشـراق
والا لراع الواسطه ماهـو مغلـوق=تفتح له ابوابه على كـل الاشنـاق
حيث ان له ناسٍ لها يدين وحلـوق=متوظفٍ كبتن وهـو قبـل سـواق

المشاركة الأصلية كتبت بواسطة نداء الغيداني

للواسطه دورٍ علـى غيـره يفـوق=يرفع مثابيـر الوطـا يـم الافـاق
دنيا تكيف قاصـر الشبـر ويـروق=بالحر له ضـلٍ و بالبـرد مشـراق
لاثمارها يقطف بـلا جهـد ويـذوق=طراوة الدنيا لهـا اشكـال وارنـاق
مايطرقه من قاسي الوقـت طـاروق=من العنـا وايامـه القشـر مـاذاق
ناس تحوق المـل بيدينهـا حـوق=متيسرٍ ما حـال مـن دونـه رواق
وناسٍ يسجل دينها الطاق مطبـوق=الله يكون بعون من وضعهـم شـاق
والشجره اللي بارضها ما لها عروق=كيف الغصون تعيش وتعيش الاورق
والنخله اللي مالهـا ظـل وعـذوق=نجثهـا ونطشهـا بالـف طـقـاق
والسلعه اللي ما لها بالبلـد سـوق=تبور لـو طافوبهـا كـل الاسـواق
ولا هو صحيح ان كل مطرود ملحوق=كم راح مطرودٍ نجا عقب الارهـاق