اشوف في وقتنا تقليب=أحد مثلي كذا شايف
اشوف طرد الغنم للذيب=واشوف ذيب الغنم خايف
يامرحبا وكامل الترحيب = عداد منهو سعى وطايف
دام الغنم ذيبها ماتهيب = الذيب من اكلها عايف
اليوم رمح الظُّفَر مايصيب=بعد النخل صاف في الطايف
من وقت خلَّى الشباب يشيب=وخلَّى النخل في الشتاء صايف
ماتلام لو صابكم تعجيب=كثير في مظهره زايف
ومن لاعرف للمرامي يصيب=لاشك صابه سهم حايف
لابد للمسأله ترتيب= مادام هذا الزمن زايف
الذيب عينه ابد ماتغيب= تلقاه وسط الغنم حايف
تتشوف ياخوي لين تشيب=ريع الردا معدنه زايف
والي معه بندقن ماتصيب=لوشالها منظره هايف
هذا زمانك زمن تغريب=تشابه الأصل والزايف
الحر لوهو كفخ مايصيب=والبوم في الموكر النايف
لبيه انا للمنادي اجيـب = جاتك سريعه من الطايـف
وانكنت راعي رد الذيب = لاتحســبني ترا خــــــايف
الذيب اصبح غريب اذيب =وصار الثعل للغنم حايف
وقتن مضى صارله تصويب =ليوم يمشى على الساس ويسايف
ترا الثعل شره على القريب =تجسسه على الهوا لايف
يصوب ودقق التصويب =وصحبته شغلها زايف
الوقت يابو فياض صعيب=وكثير من مظهره زايف
لكن مهما يجيبه ريب =ماينوف غيراللذي نايف
مايدخل الذيب شك وريب = لو مااحد بحالته رايف
الوقت خلا الرضيع يشيب = وذيب الغنم شايف وعايف
يامرحبا والليالي تجيب=من وقته اللي مضى طايف
مهما النضر باالليالي يخيب=لابد له باالهدف نايف
الذيب يبقى على اسمه ذيب =مسكانه بعالى النايف
وان جاه وقت(ن) عليه صعيب =يصبر على الوقت ويسايف
لا بد للحال من تطبيب =حتى يزول اللذي شايف
الذيب يرجع لحاله ذيب =والحر ما يشبه الهايف
وقت العنا والخنا والريب=عزالله اني منه عايف
ماقلت به ياالاديب مصيب=فيه الثعل للاسدحايف