المشاركة الأصلية كتبت بواسطة مضحي بن جمران

بعض الاقارب لامعزه ولا ود= ولا يلتفت لك غير من شان حاجه
وان جيت له في حاجتك وانت محتد=مجهز(ن) عذر الخلاص لخراجه
لوكان معه يربطك داني الجد=اروغ من اللي شاطر(ن) فاللواجه
ولا يغرك فالمجالس إليا ارعد=واشغل على زرق السوالف اسراجه
يبور لاجات اللوازيم من جد=سحاب صيف وقافيته العجاجه
هذاك لاتكسر به العين وتلد=ارفع نظرها يم فزعتك ناجه
وبينك وبينه حط حد وراء حد=وابعد عن اللي شاطر(ن) فاللجاجه
مدام ماهو من هل الجود ينعد=مابه علاج ولا تحاول علاجه
قيل الثميله ماهي مارد كما العد=ماله المحاله فالثميل اندراجه
عليك باللي كل يوم ايتجدد=النادر اللي مايقطب حجاجه
لابد من دورات الايام لابد=كم دالهن فيها تعكر مزاجه
دنيا كفا الله شرها تبحث السد=تلهي سوات مدلهينه بعاجه
اليا اقبلت عن طيبها لاتنشد=ولايا ادبرت تشبه لكسر الزجاجه
تضحك على الجهال بمورد الخد=سجن العباد وجنه(ن) للخواجه