سلام في اول المشوار = مرسول مني على الشاشات
لكل الاعضاء والزوار = في ملتقى حرب للكسرات
يامرحبا شرف البيطار=اللي منه نكسب الخبرات
اليوم دوناً عن الشعار=حظي رقى واعتلا الطالات
دام البقا واسمع اللي صار = غديت في اسوأ الحالات
بداخل القلب تصلى نار = والعين تذرف من العبرات
مصغي لك السمع والأبصار=ياشاكي الهم واللوعات
وإن كان تبغى الكلام السار=قلّي على مسبب الحرقات
رجلي غدت قصها منشار = بالارض دفنت مع الاموات
صارت يميني بدون يسار = ماعدت اقدر على الخطوات
للمبتلا تشفع الأقدار=واجره يناله من الأزمات
خلّك لجور الزمن صبّار=وابقى مثل غالب الأوقات
الصبر وصا به الجبار = يفيد ويدّخل الجنات
ماعندكم حل للامرار = يحلّي ايامي الجيات
مثلك لهم بالبنان يشار=مايرهق الفكر باللي فات
يقطف لروحه من الأزهار=مايسلي أيامه الصعبات
بوجودكم زانت الأشعار=وعشنا معك أسعد اللحظات
والشكر ياعالي المقدار=من حرب والملتقى بالذات