المشاركة الأصلية كتبت بواسطة نواف الحصني

ياقلب يا قلب العنا وين اوديك= لادك بك من هاجس الضيق دكاك
ضاق الفضا كله وضاق الوطا فيك= وصدرٍ تروج من السعه فيه الافلاك
رفيك الي با الشدايد مصافيك= الي لياجيته فزع وانت ياجاك
لو قلت ابا سليك ماني مسليك= وانته حياتك يا خفوقي بذكراك
ياقلب غيبك غيب والموت قافيك= والي تشوفه عن يمينك ويسراك
ان كان ما خلاك مالله مخليك= في مركبٍ منته بكيفك ومشهاك
هوج اليالي كل يومٍ توديك = وبحر الحياه اهوال كان الله احياك
سيلك حدر مع وادي ما طلع فيك= ولا لك عن الي شال ذولي وذولاك
ان كان ما صبحك يبغا يمسيك = عندك عليه اصكوك عطني دعاياك
كم واحدٍ مثلك حلومه وطاريك = بنا القصور وللعرب صارت املاك
لا تحسب الدنيا تجيلك با مانيك = ما فات يا قلب المواجيع عناك
يا قلب ما ذي سنتٍ للمماليك = تبلا وتصبر كان طاوعت مولاك
والي يثيبك عند ربك ويعليك = ملكه ولا ملك السلاطين الاتراك
الي قدم يا قلب ماهو بمديك= والي مضى يا قلب ولا وخلاك
ما تدري الخيره تجي في مباغيك= والا تجي في كارهٍ قبل ما تاك