بحكم أننا سنوياً ننزل مكة واحيان ننزل أكثر من مرة بالسنة ...
مع ذلك تحس انها تتغير عليك ...
ياسيدي مرة كنا في مكة وبحكم اني مسوية نفسي فهيمة ...
قلت كل الصلوات بالحرم بإذن الله ...
المهم يمكن جلسنا حوالي اسبوع بفندق قريب للحرم جداً ...
ومرة جا في بالي أخذ أختي الصغيره عمرها 7 شهور ...
ونزلت ويوم وصلت الحرم صليت الظهر ويوم جيت أطلع ضيعت الباب اللي دخلت منه
أفتش ع الجوال مافي ... وطلعت ناسيته ...
والله وأطلع من أول باب وأشوف أشياء بعمري ماشفتها ...
وقلت مو مشكله خليني أطلع من ساحة الحرم يمكن أعرف ....
يوم طلعت الا ضعت أكثر وأكثر
المهم رجعت الحرم وورجعت طلعت من باب ثاني ...
والله واشوف الطامة ( مكتب المفقودين ) وهذا أول مرة أشوفها ...
قلت في نفسي لا والله الا خلاص انتهينا ...
المشكلة مو هنا المشكلة ان مامعي لا جوال ولا فلوس ولا اني حافظة
أرقام الجوالات
؛
؛
؛
وجا في بالي حل وهو اني ارجع الحرم واصل الكعبة ومن هناك أرجع من طريق معتاد لنا
بس بعد نفس الشي الخوف جنني
وفي الأخير لصقت بواحد من الشرطة ( وقلت أبي باب السلام ) ...
عاد احنا معروفين باب السلام هو مكان المفقودين في عائلتنا هههههههههه ...
المهم الشرطي يأشر لي وأنا أقول لا تروح توديني مااعرف
والله ماقصر وداني الين الباب ولقيت ( أهلي ينتظروني ) ....
طبعاً ( أمي بغت تنهيني من على وجه الأرض بس ربك ستر ) ... ههههههه
؛
؛
؛
لمعة الجليد....