أنا معك يا معطر البيـت بالهيـل=ومن عاندك يبشر بيـوم الندامـة
والله يشكي من عذابه مع الويـل=ويكون عبرة للخصـوم وعلامـة
ويهل دمعه فوق خده كما السيـل=ويسلك طريق الحق يبغى سلامـة
وراع الردى ما همنـا بالتآويـل=اللي مشى بين العـرب باللآمـة
وأنت وأنا ميقافنا عنه مـا نحيـل=وما نلتفت للـي سـوات النعامـة
ويا حر لا تسمع كـلام المهابيـل=الصقر ما همـه نيـاح الحمامـة
وأنت رجل شاعر وسلطان للقيـل=والشعر باسلوبـك تعـلا مقامـة
ونعم النسب والعلم ما فيه تبديـل=حربي يا ابو هاني وراعي زعامة
وباقي القبائل وافيـه دون تقليـل=فيهم رجـالٍ ماتهـاب الخصامـة
وبيوتهم للضيـف دايـم مداهيـل=عنوان دايـم للوفـاء والكرامـة
ويا سقم عين اللي عن الطيب يميل=يبقى العمر كلـه يعانـي سقامـة