فواز وعبدالعزيز=
ليلة صفا والحضور احباب = ننعم بها في رياض الود
سلام بادي لكـــم يااصحاب = سلام مالـــه عـــدد ينعد
بيان الصمت وماهر ابو خالد=
ترحيب وافي بكل كتاب = من قلب صافي وماله حد
بوجود نجمه لقانا طاب = هات المثل واستمع للرد
فواز وعبدالعزيز=
عسى البقا والوجود ارباب = اللي الخلايق لها تشهد
اليوم حالي في ودي شاب = باسباب جاهل نحيل القد
بيان الصمت وماهر ابو خالد=
لاترتمي والعلوم اسباب = ويضيع دربك فهزل و جد
يا مرتقي للجبل حطاب = أغنم قبل لا الصعاب تشد
فواز وعبدالعزيز=
حاولت وليا الدروب صعاب = ياكم بنيت البنا وينهد
الطرف من سبته صباب = والحال مايل في جزر ومد
بيان الصمت وماهر ابو خالد=
مفروض انك تصف حساب = بالساس صلب البنا يشتد
اما بناء يجمـــــــع الاطياب = ولا لزمــــك الرحيل تشد
فواز وعبدالعزيز=
لو شفت ما شفت ماترتاب = أطب بحر الهوى بالعمد
ماعاد ينفع معانا عتاب = بعد انشبكنا شكينا الصد
بيان الصمت وماهر ابو خالد=
خلك لزيم القدر لا صاب = عنك الصبر يفتدي ما سد
كلن على قسمته نواب = مهما العنا في طريقه أمتد