سلام عليكم ورحمه الله وبركاته
يانجد قولي لي عن الملح والزاد=واللي جرا في نجد لا تنكرينه
نبي الصحيح اللي توثقه الاسناد=وش ثقل ماجوبه على من يدينه
عن علم نسمع به على من له احفاد=جد اثلاثه من ورا والدينه
متجاوز القرنين من دون الاحاد=يوم الرجل تفتك حقه يدينه
سلتك مسالت واحدٍ جاك نشاد=من صورة الحاضر تبيح كنينه
قزر حياته بالضجر والتجلاد=يسكت ولو شاف المهونه بعينه
مواهبه تنقص وعن واقعه زاد=والريح يخلف في يموم السفينه
والناس ماترحم من البد والناد=واهل النمايم لشوايب فطينه
يقوله اللي صارع الوقت بالماد=حدره جواد وفي يدينه سنينه
والغلب يامره على روس الاشهاد=وامر وادها لاخذاها سنينه
حظن من الله والتهاون والاجهاد=يظفر بها من سجلة في جبينه
كبوت احصان وفوقة اجياد لجياد=والفضل لالله ماثرة بالضغينه
ليه ضمير وبالغٍ سن ألارشاد=وأمالنا بالله احبالي متينه
يانجد قوليلي ترا عندي اجهاد=باقي من الصحبه مخامس يمينه
واكثر مواجهنا بصدفات ألاعياد=لا قايلٍ ويني ولاقول وينه
واقول واستثني عن الوضع من غاد=بعد الصله والابعشرة سنينه
والواجب ان المدعي يفرق الضاد=والايخيليها جنيه بخزينه
عن شرهةٍٍ تثر حزازات واعناد=لو كان كلمة سوء بينك وبينه
ان قلت مااوحيته ولا عندي اوكاد =موحيه وملوك العمل سامعينه
ردت عليه نجد بالمنطق الحاد=النعم مهما الوقت قسوه ولينه
الوزن بالكفه لها ارقام واعداد=والناس ماهي في بعضها أمينه
الملح للنويشي قصب سبعة اولاد=واهان بالسيف الحدب من يهينه
لراس باس ليا زما مر الاكباد=لطم العيول ليا تبين دفينه
والامر لالله مافعل به وماراد=والعبد ينوي والله اللي يعينه
قلت اسمحي ليه يامابك من امجاد=نوابغٍ من كل يمه وعينه
مافيه عصر الاتبا تسيده اسياد=لاني من اولهم ولا اتلا الضعينه
مع تحـــيــات /غازي مغيران الزغيبي