السلام عيكم ورحمة الله وبركاته
وهذي خفيفة للتواصل يالغالين
لي موترٍ كنه مع الخط قرطاس = ادناة مايطعجة مير الصبر زين
وضعه ليا خاواني البر حساس = اما يغرز او يجر التلاحين
جعله فدا للشاص والشاص قرناس = اليا نهمته فز فالحال والحين
مشية ليا منه مشى يرفع الراس = دواس وانشدني ودوك البراهين
الفرت في ذلة وكل جيب منحاس = قدمه وهو لاشك كنق الميادين
والحمد لله والشكر معطي الناس = جعلي بداخل جنته قاضي الدين
ولا المواتر كلها يم الافلاس = ما تنفعك لا صارو الخلق قسمين
وسلامتكم