خذانـي منـك ياسبـة هيامـي= إلـى بحـر المعانـاة إنقسامـي
مابين أسهر على طيفك وأضمـه= ليا من مر طيفـك فـي منامـي
وبيـن انـام وأتخيلـك عنـدي= وأقول من الوله والشوق:( نامي)
حبيبة قلبـي اللـي مـن عرفتـه= وهو يجمع حنينه مـن غرامـي
أحبك وأعتـرف لـك وأتمنـى= إذا لك خافق ٍ للوصـل ظامـي
إذا مريـت فـي بالـك دقيقـة= وأدركتـي حقيقـة إهتمـامـي
تعيشيـن الهـوى حتـى مماتـه= وأنا بعيش لـك حـد إنفصامـي
ياأغلى صوت أتعبنـي هـدوءه= وجودي بالهوى قبـل إنعدامـي
خلقـت لطاعـة الله ثـم قلبـك= وبعض الشوق يغني عن كلامـي
أخفّـي حبـك وحبـك حكايـة= لها فصل ٍ من الروعـه درامـي
ولو مهما وصفتـك ماوصفتـك = معي عذري لإن الوصف سامي
تسامى كل شي فـي وصوفـك= وصوفك من لها ( حق التسامي )
الليا منـك حضرتـي أي حفلـه= تغيب بحضرتك كـل الأسامـي
ملامح غيرك الليا من حضرتـي= تلاشى قبـل يغشاهـا الظلامـي
وأنا البارح جمعت الشوق لأجلك= بعد ليل ٍ مـن الاهـات دامـي
وجيتـك حامـل ٍ قلبـي بيـدي= بعد مـاودع البـارح عظامـي
هديـة وأقبليهـا مـن حبيـبـك= ولـك حبـي ووافـر إحترامـي