مضحي بن جمران=
ياصاحبي ورقان جاك العلم مني وستلم=يمنا تمد الجود ياورقان ماهي قاصره
ابارفع البيضا لهلها مثل مرفوع العلم=يفداء هل الجزلات من سموه موس الخاصره
ورقان=
يامرحبا يامرحبا باللي لفا وخط القلم = جعل اليمين اللي تمد الجود دايم حاضره
ياجعل يا مضحي يابن جمران من مثلك سلم = يفداك من لاش البدو وحتى لاش الحاضره
مضحي بن جمران=
لاهنت وابا انشدك وابا اجابتك عجله ولم=اي البلوت احسن تفضل هو وإلا الباصره
بكره تولم خاوني ياقرم خل اللي حلم= اللي تحلم يهزم اهل الدين مالله ناصره
ورقان=
ماتهون وابشر لك بعلمن ياعميلي والعلم = لاخير في هاذي ولاذي كل ابوها خاسره
وان بغيت انروح يم الخرج والا لدلم = ابشرخويك كل دربن بالجزيره خابره
مضحي بن جمران=
ابا اتحيزم بك واهاجم واحد(ن) بام السلم=وان ماقوينا حضرته خطره نبي نحاصره
وان فر قبل السيطره تراء ياخويه سلم=انصاحبه وان مارضي نبني بيوت نقاصره
ورقان=
ان كان ودك بالهجوم ولا تسوي لي فلم = جود حزامك ياعميلي كان مخطي ناسره
لكن لا تظلم تراى ياخوك مالي بالظلم = الظلم ماتقواه غيراهل الوجيه الكافره
مضحي بن جمران=
لاتكشف الخطه ولايدراء بخطتنا مالم=اقول ياورقان علمي كامله عناصره
يابعد عنه السود منهو قال يالجزله هلم=والقصد اواصر قرب نربطها بجزل اواصره
ورقان=
من هو علم ياصاحبي بيعلم اللي ماعلم = اعطيك علمي به فجوجن وانت علمك عاصره
احنا نفرق بين من فرق وبين اللي يلم = واللي يلم الشمل ناقف معه دوم اناصره
مضحي بن جمران=
دام السوالف مع رجال العرف مافيهم بلم =توقيقة الابهام كافي سيبو خناصره
وانا اشهدنك في بحور المعرفه رجل(ن) ملم=ياللي خويك كل ماياخذ طريق تباصره
ورقان=
عرف الرجال اللي سواتك عرفها نور الظلم = يمشي بعقله بالطريق يطول والا يقاصره
وانا اشهدنك من سيوفن لامعه مابك ثلم = اقولها وانا زمان اهل العقول معاصره