خلك معي ياعبيد بأرسل مراسيل=وأدزها يمت كبير الجهامة
أن كان يحمى خيلته يوم أنا أخيل=وألا آتبيَّن وقفته من عدامه
حنا نتوثق في الرجال الحلاحيل=اللي لهم في صكة العلم قامة
ولا نجلس الا مع قروم الرجاجيل=والرجل يُعرف مجلسه من علامة
وياعبيد والله ما قصرت المعاميل=عن الرفيق اللي صحيبه حزامه
ولا أقول زايد عن رجالٍ مشاكيل=ولا احط زامة وأعتلي فوق زامة
ألا صروف الوقت جني مقابيل=والضيم خيم يامعوِّد .. عسامه
وياذيب لامنا طلبنا المعاديل=على النقا من رأس راع الشهامة
طاح الجمل ياعبيد بين القناديل=ولا عاد أميز منحره من سنامه
وأقول للتارخ جيلٍ بعد جيل=من رأسي اللي ما تحجبه غمامة
العلم سقته مثل سوق الفناجيل=(والجاهل اللي ما يثمن كلامه)