سلام رديةٍ ميزانها مايميل= من شاعرٍ مايشاف الميل في جابته
مريت للملتقى طرقي وعابر سبيل= شفت التراحيب مكتوبه بـبوابته
يا مرحبا فيك ياللي جيت بطراف ليل= من شاعرٍ جاك ساري تاركٍ لابته
قلت اتعلل مدام الليل ما هو طويل= و مدام جساس ما عوّد لهندابته
الليل توه بدا ونور حد الصقيل=ورجل من وقفته وذيب برقابته
ابشر بكيفٍ مقند زعفرانٍ وهيل=جاساس صاحبك تدريبه ليا جابته
الليل روّح و جينا اليوم وقت المقيل= و كلّ(ن) له ظروفه اللي احكامها ثابته
ما هو غريب(ن) كرمكم يالحصان الاصيل= و جساس رجل(ن) يعشق النصر مع طابته
كانك صييفي رجالك يحتمون الدخيل=وكانك تسمابهم فشجره انابته
يعلها للمطر في كل عامٍ تسيل=والعشب يانبت باوديها وبداعبته
أنا أنا من عباد الله عابر سبيل= نفسه تروم المعالي و الردا عابته
من لابة(ن) راسخه بالجود مثل النخيل= و الموت دون الوطن و العَرْض ما هابته
انته من عباد ربي ضاهرلك صهيل= تقدم على شاعرٍ مخاطبٍ لابته
ونعم في ربعتك لاكن خلك ثقيل=ترا الخفيف عليه هين ادابته
(أنا دخلت و أجبت الشاعر بخير قيل)= لكن اشوف الصخونه توها صابته
الثقل له وقت و اوقات(ن) يجي مستحيل= و أداب نفسك عليك الزم من حرابته