امصلعه ترى ماهي مدفونه= ياالي مسافر راكبٍ دراجه
مريت ادور جوهره مكنونه = ولقيت برقبة الطلي خراجه
وهذا كلامي كانكم توحونه = ماني من الي يتقي ميواجه
وانا من الي قولهم يحمونه = اليا عقد غمر الفريق احجاجه
ارد على الي صعب ما يردونه = واشرب قراح وشربهم هماجه
( ومن لا شرب يا صاحبي بحفونه) = ايموت ونفسه للملا محتاجه
شطرٍ هلالي هاضني مضمونه = طب العليل الي يدور اعلاجه
البيت يبنا الساس قبل اركونه = وكلٍ وله طبعه وله منهاجه
رصاصهم لو حاولو ا يرمونه = منتوج مصنعهم نعرف انتاجه
يكذب على النادوس ماله شونه= ويصيب حامل بندقه بحراجه
ماني جدار اقصيرٍ يرقونه = صعبٍ على شوارب الهراجه
سم الخناجر روسهن مسنونه = سيف يصيب الراس منها افلاجه
يا غبت لو كلن يسوف اسنونه= اليا حضرت الكل عاد ادراجه
يوم انت مخمر ما ترد الهونه= ويعطيك ابو كرباج في كرباجه
وصار الثمن خليفة الدندونه = عقب غسلك ورحت مه اخماجه
والي يعينه قبل يطلب عونه = ركب الحصان وصار هو اسراجه
حسون معجب في غنج حسونه = قام ايتهلع قدمها بغناجه
دام الكرامه لجلها مرهونه = خله يزود ضحكته وبهاجه
جعله زواج الكثوليك وكونه = ويطرح لكم حتى تزيد ازواجه
والي يواجه فعله اتخبرونه = يوم اندعسة ورحة تحت الصاجه
من كثرك انت وشركة ها الونه= ينبيك عن كبر المحيط امواجه
لا اسمع صياحك واعتبرها مونه = لين البعيج اتبين كبر ابعاجه
وانا بقول الكل من يقرونه = الفلم هذي قصته واخراجه