ناقتي ياناقتي لا شرود ولا غنوج = بكرة صفراء من عمان مافيها خلاج
دوجيبي بالخلا ودي احوم وادوج = ماني ابدواج مير الرجل لاضاق داج
ودي اخذ لي على صحصح الخليان روج = ضايق(ن) محتار مقهور متعكر مزاج
ودي اذب الخرايم وسيعات الفجوج = وابتعد عن زحمة السير واسواق الحراج
واهنيك ياشقر الريش يوم انك تروج = واهني الذيب لا ارقب على قمة سواج
قوم يا ياقوت واضرب على طبل الرجوج = لين تسمعها بني بكر والا بن نعاج
وشكلو للثار والحرب فوج بسد فوج = مايفيد الهرج والبلبله والانزعاج
ياسعودي للامارات ممنوع الخروج = شاعر المليون حطو لكم دونه سياج
قاطعوهم نعنبوهم مثل جبن المروج = قاطعوهم ياهل الشعر حجه واحتجاج
مغتنين وجعل ربي عليهم ما يحوج = وش نبي باهل السماجه وبيرقها سماج
قوم(ن) اهل الالسن العوج والنيات عوج = والمدارس والشوارع خليطي واندماج
في قراهم من جميع الجناسي زوج زوج = فرصة البنقالي اللي بحاجه للزواج
كيف فاز اللحجي اللي تطبله لحوج = لن مايعرف بطبع الدجاج الا الدجاج