واصبحت اسطورة الكسرات=والكل يشهد على فني
اداعب الفن بالوزنات=ولا يختلف وزن مع وزني
ما تختلف وجة النظرات=وقولك توافق معا ظني
ما دامك اثبت في الساحات=تستاهل الجائزه مني
علتني العين بالنظرات=وش ذنبي آنا تبهذلني
اغض طرفي عن الزلات=وحسينة الطرف تلحقني
للعين نظرات جذابات=على المخاليق ما تحني
وإنما تحصنت بالأيات=ترميك في حسنها الفني
لا با تحصن قبل لا بات=حتى إذا صحيت تحفظني
وش لي على عيون ذباحات=غير الشقا يوم يذبحني
قد ايش قبلك شقاوي مات=والياه حيّا ومتهني
لكن عيون المها بالذات=تبغى سياسات واسألني
حاولت اراضيه باللي فات=لين الجفا صار يتعبني
كنت احسبه جاد بالصدات=واثريه وده يلاعبني
مما مضى اكسب العبرات=واستعبر الدرس بالقني
بين الرضا والجفا ثغرات=اعرف سبب وضعها وابني
باين لكم فالهوى خبرات=انشدك وانت تعلمني
تسلم يا طيب السيرات=والمعذره منك تعذرني
راع الهوى بين هاك وهات=في عالم الود متمني
والله حسيبك من اللوعات=يا من نشدني وفهمني
لولاك ما زانت الابيات=ولا كان غنى لها مغني
ويا الهاشمي آخر الجابات=حرفك اسرني وشوقني