جساس :
ألفين مبروك ياعشـاق نـاد النصـر=يامحققين البطولة صح ماهـو خطـا
ومعوض(ن) بالفلس يالنادي اللي خسر=روح تصافق رجوله صح ماهو خطـا
الصييفي :
مبروك ذا الفوز بعد افلاس خمسة عشـر=و عقبال صوم(ن) بطوله صح ما هو خطا
من قبل اسابيع كاسك يبو خالـد حصـر=لزعيم لعب الرجولـه صـح و الا خطـا
جساس :
الله عطانا مع الأيام حلـم وصبـر=حتى تجي بالسهولة صح ماهو خطا
العالمي عالمي ، لا تبلشون البشـر=وأنتم بسن الطفولة صح ما هو خطا
الصييفي :
الصبر ما سرّ "ماجد" راح عمره هدر=يحلم بحفل الكهوله صح و الا خطـا؟
العالمي صار للإبـداع حفـرة قبـر=إسأل فهد و اخذ قوله صح ما هو خطا
جساس :
ماجد بنى في قلوب الناس بيت وقصر=وأنتم بعد تشهدو له صح ماهو خطـا
العالمي مدرسة معروف سر وجهـر=وفهد عماه بميوله صـح وإلا خطـا
الصييفي :
صحيح ماجد يحَبّ بكل وقت و عصر=لا شك ما حدّ حوله صح ماهو خطـا
العالمي مدرسة هَمّ(ن)و غمّ و قهـر=و من جاه يفقد ميوله صح ما هو خطا
جساس :
ما يعتزل واحد(ن) مسقيك موت حمر=كل العرب صفقوا له صح ما هو خطا
هم(ن) وغم وقهر لمنافسين النصـر=واللي زعل زودوا له صح ما ه وخطا
الصييفي :
الله أكبر، ببيضة ديـك أنتـه مُصِـرّ=و تعيد نفس المقوله! صح و الا خطا؟
يا قل من شال همّ و جاب حتى خبـر=للي تعوزه سيوله صح ماهـو خطـا
جساس :
حنا هل الأوله والنصر باللي حضـر=ومع الزمان ووفصوله صح وإلا خطا
جابناه من قدمكم يالذيب واحد صفـر=يادولة وسط دوله صح مدري خطا!!!
الصييفي :
تبغى ثمانين كيلو قبل جمـع و قصـر=و نفس المطبِّل عجوله صح ما هو خطا
و ما دام ممدوح و البشكة بنادي يطـر=أعمى و حِط الدلوله صح و الا خطـا؟
جساس :
النصر كوكب تعلا فوق فـوق وظهـر=وهلالكم في أفوووووله صح ماهو خطا
ما فادة أموالكم ، ياهل الغنـم والبقـر=في جمعكم لللعجولة صح مدري خطـا
الصييفي :
هلالنا فوق راس الغيـر دايـم بـدر =وغيره يعود لذبوله صح ماهو خطـا
حنا مغنّ الرجوله و الـدلال الصفـر =ما احنا حقاوي و فوله صح والا خطا؟
جساس :
بس النصر كوكب(ن) عالي وأنتم حدر=عملاق ماحد(ن) يطوله صح ماهو خطا
لا والله إلا الرجولة جنبت من عصـر=نعرف الهلالي بزوله صح مدري خطـا
الصييفي :
الفرق واضح ما بين المد هو و الجزر=مثل المطر و الطلوله صح و الا خطا؟
المرجلة ما نقيسه بالنشا فـي الغتـر=المرجله له أصوله صح ما هو خطـا
جساس :
الفرق دايم لصالحنا بشتـى الصـور=والنصر ما أنتم بحوله صح ما هوخطا
المرجلة ما تجيكـم ياوجيـه الفقـر=ياشباه ناس معلوله صح ما هو خطا
الصييفي :
من بعد جبر الخواطر سـال دمـع و عِبَـر=و طاح البَعَضْ و اخْذْ طُولِه صح و الا خطا؟
ما به مراجل تجيكـم مـن حظيـرة دِشَـر=من هامته لَي رْجُوله صح مـا هـو خطـا
جساس :
من بعد جبر الخواطر شفت دمك قطر=ياثقلها من حمولة صح ما هو خطا
أنتم لكم منظر(ن) دايم يشوق النظر=وأنت تعرفنا فحوله صح ما هو خطا
الصييفي :
تلقى الغزيزة بنادي النصر يرد الجفر=و بالدَّين يملا حثوله صح ما هو خطا
و مسوي(ن) بين ربعه مثل بلدة قطر=يكبِّر اسمه بدوله صح و الا خطـا؟
جساس :
وجهة نظر وأنت مثلي وإلك وجهة نظر=والكل مسرج خيوله صح ما هوخطـا
أخير من هرجنا هـذا صـلاة السحـر=العلم هذا محصوله صح ما هـو خطـا
.