المشاركة الأصلية كتبت بواسطة نداء الغيداني

يازين شبة نارنا عقب مرواح=في واديٍ مابه عواصف ولا ريح
نارٍسناها يشتعل تقل ملواح=يجذب سناها مثل نور المصابيح
ولفاحت الدله وبرادها فاح=نصبها لاهل الوجيه المفاليح
وزانت سوالفنا وعنا التعب راح=وكلٍ عن اللي حاك في صدره يبيح
ماغير انا واللي لخوتهم ارتاح=شبيكان ومساعد وفراج وفريح
خوينا عن قلبه الهم ينزاح=والضيف يلقا عندنا هبة الريح
بارضٍ خلا نمشيبها تقل سواح=تبري قلوب اهل القلوب المجاريح
ويازينها لغيمت والمطر طاح=سبحان منشيها سحابٍ مراويح
رعادها زلزل وبراقها لاح=وقمنا نسبح منزل الغيث تسبيح