ياطير نايح على غصنه= أشجى فؤادي كثر نوحك
وانا معنّا سهر جفنه= مجروح أكثر من اجروحك
خلك من الطير وفنونه =حاول تخفف على روحك
خل الهوى عند مجنونه =والجد لا يخفي امزوحك
قبلك تعذبت في لحنه = لا تتبعه ويش مصلوحك
لا تزود القلب بالشَحنه = خلك ولد وأبعد سبوحك
أنصحك يامن شكى حزنه=ادرى وداري على روحك
اعقد في ليل الأسى هدنة=حسب الذي فيه مصلوحك
ياقابل القلب مختزنه = ما يستمع كثرة انصوحك
ولا صار وافي ولو وزنه= يجبرك تصبر على تروحك