المشاركة الأصلية كتبت بواسطة نداء الغيداني

أنا ظروفي صعيبه وإنت خابرها=وعلي زادت همومي يالله الخيره
لو المدى أيام ماهي هم نصبرها=مير البلا ياعشيري طالت السيره
النفس في غابة الأوهام قابرها=والأمر عند الولي علمه وتدبيره
روحي على البعد والهجران جابرها=والا أنت ما أنته بمجبورٍ بهالديره
ياما عليك العيون يهل عابرها=والقلب ما زال همه يشعب بعيره
بيني وبينك مسافه ما اقدر أعبرها=الدرب يمك طويلاتٍ مشاويره
وقتي ليالي زمانه كيف أعبرها= أرجو من الله تدبيره وتيسيره
أصبر وأنا أصبر إلين الله يدبرها=الحل ..صبراً جميلاً مالنا غيره