سلامي عاجل لبو نايف=ياللي لكم فالمثل مرواس
ياليت شفت الذي شايف=القلب من وردهم محتاس
ترحيب من عندنـا كايـف=بنه مع الهيل والمحمـاس
شفت اللذي شفت يالنايـف=من حرقتي اصفق الاخماس
تبقـا حياتـك بـلا حايـف=فالطيب دايم لكـم نومـاس
لابد نرحل علـى الطايـف=من أجل نجزي المزارع باس
خايف على جونا خايـف=خايف من اللي يحد الفاس
مايفيدنا الطـب للزايـف=لوكان رحنا ورا مكنـاس
اليوم من فعلهـم عايـف=من بعد ما وسوس الخناس
الورد جابه لهـم زايـف=يضحك عليهم أمام الناس
اصحابنا لافهـم لايـف=الكل يلذع فيوزه مـاس
ان كان ماالله بهم رايف=بنقفل الباب بالتربـاس