ابوروان النويمي=
يابن خيرالله تعال وقدم صحيب 0 يلعب معك طوال الليالي المقبله=وانا من الشعار من يلعب معي 0 واللي عقد روس الحبال يحلها
ابن خيرالله الردادي=
يابن النويمي لاتروح ولاتغيب0تجميع اربع هاليالي مشكلـه =اثنين كافي خلهـا لاتطمعـي0واللي عقد روس الحبال يحلها
ابوروان النويمي=
ابن خيرالله قام يدور للحليب 0 عشق دبل فحط بـدون فرملـه=ماغيره بالصميلي قاعد يجمعي 0 واللي عقد روس الحبال يحلها
ابن خيرالله الردادي=
يهب ياشاعر رهيب(ن) ثم رهيب0تبدا علومك بعد قول البسمله=انا ترى شاعر وثاير مدفعي0واللي عقد روس الحبال يحلهـا
ابوروان النويمي=
ياكبر عينك يوم طبت فالغريب 0 راحت علومه كلهـا امشملـه=ياصاحبي مدفعك صاير مربعي 0 واللي عقد روس الحبال يحلها
ابن خيرالله الردادي=
يابو روان انته تورطت بطبيب0وعلاجكم موجود وانت تحمله=والمدفعيه دوم دايم ترمعي0واللي عقد روس الحبـال يحلهـا
ابوروان النويمي=
ترى الطبيب اللي تقوله مستعيب 0 حتى علاجه ماتجيه الارمله=واليا بغيت الحقيقه انتا معي 0 واللي عقد روس الحبال يحلها
ابن خيرالله الردادي=
الظاهر ان الطب معكم مايثيب0تحتاج تبديـل الحبـوب بقنبلـه=وانا اعرفك للنصح ابد ماتسمعي0واللي عقد روس الحبال يحلها
ابوروان النويمي=
طبيبكم يابن خيرالله قالو شيب 0 مايعرف للحبوبي حبه امكمله=كيف استمعلك يوم هل مدمعي 0 واللي عقد روس الحبال يحلها
ابن خيرالله الردادي=
ياصاحبي الطب دايم مايخيب0دايـم علاجـه كامـلاً فـي معملـه=وان ماسمعت النصح روح المصنعي0واللي عقد روس الحبال يحلها
ابوروان النويمي=
من ذاق طب اليوم عود للخريب 0 كلها من بعض الايادي العامله=ياليت في بعض الاوامر ترجعي 0 واللي عقد روس الحبال يحلها
ابن خيرالله الردادي=
حنا نعبد الله مانعبد صليب0ومافيـه شغلـه للخلايـق كاملـه=ماكامل الا وجه رب (ن) تتبعي0واللي عقد روس الحبال يحلها