المشاركة الأصلية كتبت بواسطة بيان الصمت

فواز الزويهري=
سلام وبعد السلام إلزام=واجب عليكم تردونه
هدهد سبأ سير الأقلام =وخبي عن الناس مضمونه
بيان الصمت=
سلام من مُْنْزِل الأنعام=للي على الغيب يدعونه
في منطق الطير حط نظام=وعباد بالرمز يقرونه
فواز الزويهري=
ترحيب ياعالي الأعلام=والعلم جايك على هونه
أنا وجدت الطلل ورسام=والبيت ناسه يخلونه
بيان الصمت=
خطك تحدد من الفُهّام=واهل التخصص يعرفونه
للأرض مثل البشر أسقام=والزرع ناسه يراعونه
فواز الزويهري=
ياليت عندي دوا بإحكام = لجل الشجر تمثر اغصونه
دعوى لفتني من الحكام=اللي هواهم يصونونه
بيان الصمت=
لجلك وفي من ذوي الأفهام=والوافي الناس يشرونه
والغيث يبدا من الأنسام=بالنَّوّ أهله يميْزونه
فواز الزويهري=
أنتم نجوم الوفى ياكرام =ودروب بالنجم مرهونه
متغير الجو بالأعسام=ومغاير الأسم مكنونه
بيان الصمت=
الحر بالظرف ما ينضام= يعرف مكيله وموزونه
صافي عياره مع الأيام=يزداد في السهل وحزونه