واصل معي بالرسايل لاتقاطعني=ترى رسايلك تجلا بعض الاحزاني
طبعا رسايلك يالمجمول تنفعني=تزرع بصيص الامل بك لو تناساني
يالغالي اللي بسيف الود قطعني=تعال لملم شلايا قلبك الثاني
هل تعلم انك بطول الصمت موجعني=وانا الذي دايماً واسمك على لساني
بالله تسمع كلامي فيك وأسمعني=واخذ بكلامي على شانك ومن شاني
وان قلت لك حــــاجةٍ ياصاحبي طعني=طعني مثل ما انت تامرني وتنهاني
لو بالرسايل على الاحزان شجعني=ايضا الرسايل تخفف وطأة اشجاني
فكر وراجع ضميرك ثم راجعني=يازين وانته تعرف اسمي وعنواني