يابوي وش هي حيلة الروح وياه ؟ = دامه تركني للظروف العنيده
أبكي وصاله ثم أنادي ياويلاه = الصم يوحي والبكم يوم عيده
يالله ما أكبر غربتي وسط دنياه = فقري تجاوز فقر صافي الحديده
مظهره قاسي صلب لامع يامحلاه = تكفيه قطرة ماي ماهي فريده
واللي لفاه من الصدى صعب ينساه = يصيب قلب القلب وألا وريده
يابوي لا يحزنك حالي بلياه = بعض التجارب للأوادم مفيده
يابوي روحي والأحاسيس تنخاه = والباب موصد والمفاتيح بيده
الظاهر انه هالتغلي بيملاه = يابوي دامه تاركنّي وحيده