المشاركة الأصلية كتبت بواسطة نداء الغيداني

يانداء مالجرح الحب جراحه=كم جريحٍ فنى مابريت جروحه
صرت انا في عناء والناس في راحه=دوك روحي برمح الحب مجروحه
والسبب من نهيده تقل تفاحه=هايمت بالهوى روحي على روحه
صابني في عيونٍ سود ذباحه=يوم جاني عصير بسوق منفوحه
وجنته كنها القنديل وضاحه=من سرى بالدجاء يسري على ضوحه
وقرنه اشقرغذاه بغالي أرياحه=ماتوصف بوصفه كل مملوحه
قفل قلبي مع المجمول مفتاحه=كل مااشقى لقربه تبعد شبوحه
بالدلع زايده بالوصل شحاحه=يانداء قلها ماهيب مسموحه
نلت منها العناء والناس مرتاحه=بس اجاوب حمام الورق في نوحه

المشاركة الأصلية كتبت بواسطة نداء الغيداني

يالحميدي علاج القلب واجراحه=عند مزيونةٍ بالطيب ممدوحه

المشاركة الأصلية كتبت بواسطة نداء الغيداني

عاقلٍ ماهي للاسرار فضاحه=من مزيا بنات الحور ممنوحه
بنت ربعٍ لجيش القوم نطاحه=يمنعون العداء والخيل مذبوحه

المشاركة الأصلية كتبت بواسطة نداء الغيداني

يوم كلٍ يعيش بقوة سلاحه=قبل عبدالعزيز يكمل فتوحه

المشاركة الأصلية كتبت بواسطة نداء الغيداني

واترك اللي بغي الحب سباحه=لاتطالع جمال فيه مفضوحه
لو جمال المزين تلبس وشاحه=اعص نفسٍ بحب الزين مشفوحه
غض عنه البصر لو لاح وضاحه=وانتبه يمهم لا تطري الروحه

المشاركة الأصلية كتبت بواسطة نداء الغيداني

فيه غلطات ناسٍ كنها مباحه=وانت غلطات مثلك ماهي مدموحه

المشاركة الأصلية كتبت بواسطة نداء الغيداني

كل صقر كفخ للعالي جناحه=وكل رجلٍ يميز ويش مصلوحه