بسم الله الرحمن الرحيم
السلام عليكم ورحمة الله وبركاته
أسعد الله جميع أوقاتكم بالخير والمسرات
هذه القصيدة اللي تشرفت بإلقأها بالحفل الثاني لدعم الشاعر / بدر الظاهري اللي صار بالقصيم
كرتي مع الشعار ماهو بمحـروق = يوم أنهم لغـلا المحافـل دعونـي
لو كان ماني واصل لقمة الـذوق = لكن على الله ماتخيـب الضنونـي
تدفعني النخوه ويدفعنـي الشـوق= لاهل الوفاء ياهل الوفاء وعذروني
جينا نبارك للجبل والجبـل فـوق = قـدره رفيـع وعندنـا مايهونـي
مجملً ربعه علـى كـل طـاروق = وأنشهـد أنـه للجمالـه زبونـي
والسابق المطرود ماهو بملحـوق = روح وباق الجيش عقبه يجونـي
ماصار الاول قرعة ً وسط صندوق = وماجات صدفه مثـل مايعلنونـي
ذي عادة جدوده قبل حكم فـاروق = على سنـام المجـد مايسبقونـي
فعله بفعـلً للمضاييـن مسبـوق = اللـي لهـم تاريـخ ماينسـونـي
وأنشهد انك يابدر مغلـي السـوق = بسلوبك النـادر فـدوك العفونـي
شاعر وتنظر عينك لراس شاهوق = ماترتخي على الطمـان المتونـي
لاهزلتً شفنا ولاشيـن منطـوق = وافي وكافي والعـرب يشهدونـي
من شرقي الساحل لنجدً وساحوق = للساحل الغربـي وهـم يرقبونـي
به مزنة ً ترعد وشافو لها بـروق = مزنه ولاكن غيـر كـل المزونـي
يوم أنتثر ماها على الأرض برفوق = خلت فياض العشب من كل لونـي
في شاطئ الراحه نبت كل زملـوق = حتى أم سالم غـردت باللحونـي
خذ عهد مني يابيض الوجة موثوق = أنا معك مهمـا يصيـر ويكونـي
وأن عودت تصويت مايلحقك عوق = حربً على الميعاد لـك ياقفونـي
الصف واحد مايجي بيننـا فـروق = والراس حربي والبقيـة عيونـي
ولهاب ماننساه له حـق وحقـوق = وحنا معه مهما يصيـر ويكونـي
الشاعر / عبدالله محمد السليمي