المشاركة الأصلية كتبت بواسطة بنت عوف

ياياه لو تدرين عن جرح الايـام=غادي عميـق بداخلـي يابعدهـم
والمشكله ينزف كما نزف الاقلام=في دفتر الشاعـر وكلـه سببهـم
والله ماقلـت الرذيلـه ولاحـام=هرج ٍ من الساني ونقص قيمهـم
هي كلها شرهه لها سنين واعوام=ولجل ان هرجي صادق ٍ ماعجبهم
وش قلت غير الحق ياياه مـادام=وضحتها بالقول والعلـم معهـم
لاكن وصلني هرج من بعدها قام=شعري حميه لجل يلعـن جدفهـم
والله يلولا العيب وحقوق الاسلام=لاشب نار الحرب وأحرق تعبهـم
ودفع اموال ٍ بس من شان الاعلام=يظهر حقيقتهـم ويشعـل لهبهـم
ماهمهم يايـاه شرهـات واثـام=لو همهم ماجرحـوا فـي لحمهـم
ومهمنـي والله ظالـم ونـمـام=لو همني ماقلـت قـولٍ كشفهـم