ابـو هليـل بالمجالـس فقدنـاه=وغيري رجـالٍ فاقدينـه كثـارا
انشهد انـه للمساييـر تنصـاه=وانشهد انه للكـرم شـب نـارا
القل صاطيبه ولا اخلف مزايـاه=كلمة هلا يا مرحبا لـه شعـارا
وش خانت الدنيا ولو قيل محلاه=حلاتهـا متعلـقـه بالـمـرارا
يومين تمشي لك على كل مشهاه=واليوم الاخـر مشيهـا بنحـدارا
الموت حق وكل شخصٍ ميبغـاه=لكن مـا دونـه مـلاذ وفـرارا
مارالحظيظ اللي ليا كـب دنيـاه=عامل عمل لحساب قبـرٍ هيـارا
لحساب قبرٍ كل مدرك ما ينسـاه=هولٍ فضيـع وشـدةٍ وانحشـارا
ِلحظات ويميز بها كـل مسعـاه=إما ربح وإلا يشـوف الخسـارا
فيه الندم ما يفيد والحكـم يلقـاه=يالغافلين اصحـو لـدار القـرارا
اصحو قبل هدام تبـرك مطيـاه=تبـرك ويظلـم فيـه هكالنهـارا
هذي نصيحه للرجـال المسمـاه=اللي بهـم للعـرف قـدر وقـارا
والا بليد القلب سـاري بعميـاه=ما سر نفسه لجل يسمـع ويـارا
صغت البيوت وسقت قافي ومعناه=والقصد بيـن للرجـال الحـرارا
واختم كلامي يا سعد مثل مبـداه=والطيب والطيب ما حطه ايسـارا
اذكر مواقيفـه وامجـد سجايـاه=قريـب والا مـن بعيـد الديـارا
وصلوا عدد من صام لله وناجـاه=على محمد خير من جاء وسـارا

سعود بن صالح الحصني