الرفقة اللي مثل رفقتك ما ابغاهـا
موجود وقت الرخا وتغيب بالشـده
ترى علاقات مثلك نعرف اقصاهـا
في حزة الحزم والازمات ما نعـده
صداقتك يالدوينـي مـا حسبناهـا
ترخي بحبل الصداقة نوب وتشـده
ننصى رجال الـى منـا وصلناهـا
كن البسيطه بزين الـورد ممتـده
أهل المواقف بوقت الضيق ننصاها
اللي لهـم بالشدايـد هـده ومـده
حنا رجال هل المعـروف نجزاهـا
من قدم اليوم طيبـه بكـره نـرده
الى بغينا هـل الفزعـات نلقاهـا
والا انت فعل الجماله ما انته بقـده
مثلك علومه بوقت الجـد ينساهـا
لا جاه محتاج كنـه صافـق خـده
يموج مثل المحاله لا افرد رشاهـا
ويكرر العذر ميـر العـذر ماسـده
ترى الجمايل صعيبه لـو تمناهـا
يامن لبس له عبـاة ماهـي بقـده
فرق اطيب الناس يابعده عن ارداها
ابعد من بقيق عن غربي بحر جده
صح اللسانك جززززززززززززززززله