يا مرحبا ترحيبة فيها من الشـي الكثيـر=نزفها لا اصحابنا اللي ما نذم حضورهـا
الليل توه والسوالف من بحر والا غديـر=وأصحابنا العجمان شرهتها على مذخورها
يالله لعل الك البقا يالشاعر الشيخ الاميـر=وليا حضرنا كلنا فالدار شعشـع نورهـا
يصاحبى يابن السمان اضن لك قلب وكبير=البل اتضيعها .. ولا تمشي مع مقهورهـا
الله يبارك بالرجال اللـي علـى تقـوى وخيـر=والـيـا دخلـنـا كـــل دار خـابـريـن طـيـورهـا
يا صاحبي مالك ومال اللي على بصره يسير=ما كل ناس يا وسيـع العـرف اباخـذ شورهـا
لجنـة لمـم فـى سعيهـا تسعـي لتقـريـر المصـيـر=وجهة نظر عند الرجـال اللـى وسـاع صدورهـا
وارد عرواي..لو.. تريح.. من عنا الخط العسير=مابدل..السـايـق توايـرهـا ولا ماطـورهـا
انا احمد الله واشكره مالي بها حبة شعيـر=لكن رح علم بهـا اللـي مـا تفـوح قدورهـا
يا سالم احـذر لا تعـود فـي رحـاة تستديـر=وان همك الددسن تروح لا دهنت سيورها
تخشر بزاد ام الكباير وانـت فالدعـوى خشيـر=شبرك تحت شبر الرجال اللـى طـوال شبورهـا
اثرى يمينك فى عكاك السمن مدرى فالمضير=وان جاتك الضيفان راسك بان قدم
من بعد مطـاح الحيـا شفنـا مـع الجـو الغثيـر=والارض شفنـا نبتهـا وانتـه تعـرف بـذورهـا
انا احسبنـك يالحريبـى خيـر مـن مثـل سفيـر=واثرك اتضوى للحروب..الحنضله بجذورها
لو نرسل العساس يا سالم يجينا علم غيـر=مدري تجي فبطونهـا والا تجـي فظهورهـا
انته تقوله وانت لامـن شفتلـك دقـاق زيـر=راحت علومك ما عرفنا صدقها من زورها
نبا نقود الك العلوم الحين فى سلك الحرير=مدام نشبت لقمة الجوعـان فـى حنجورهـا
انته تحب العولمه لاكن فى ثـوب الشويـر=متـي تطـور؟ والسـنـه بيامـهـا وشهـورهـا
ياللي تدور للشحم مـا فيـه تمـر ولا مضيـر=اصبر يالين امك تعشيها العرب من سورها
انا ما عندي مشكله واصـد غـارات المغيـر=والحـمـدلله عارفـيـن ورودهــا وصـدورهـا
ياطيـر لــو دك تطـيـر المشكـلـه مـالـك مطـيـر=شايف جناحينك ترفـرف فـى عميـق ابحورهـا
اجمالـك اللـى تدحمـك فالمـتـن وتـهـادر هـديـر=ورى؟ عصاتك ..ماتفكك! .. وكسرت باكورها