يالهاب مـا والله تضيـع الذهيبـه=مدام به عينـن تحـوف الملاييـن
اللـي جهـل بالعلـم ولا دريـبـه=يقرا الرسايل بعد شاف العناويـن
البارحـه ليلـي همومـه عجيبـه=ضاقت بمحشدها وسـاع المياديـن
اتبـع كتيبـه واتجاهـل كتيـبـه=لين اثبتت مقصودهـا بالبراهيـن
مقصودها قصـة عنـودن اديبـه=في شاطين بالمعرفه يعرض الزين
فلـة جدايلهـا بـراس الجذيـبـه=محدن قدر من زينها يغضي العيـن
تسحر عيون اهل القلوب العطيبـه=وتسحر عقول اهل الصلاه المصلين
مصيوغه بجهـد اللهاب وصحيبـه=يعني على ما قيل ختم الضمانيـن
من شاعرن وافي هجوسـه لبيبـه=ساق القوافي مثل سوق البعاريـن
بالطوع ما تمشي بفعـل الغصيبـه=تجي معه بالطيب واليسر والليـن
مير الحـدث مبهـم ولازم نجيبـه=بين السطور ويظهر الحق ويبيـن
اللـي فعايلنـا خطيـرن تشيـبـه=اليوم قاضي وامس ما يقضي الدين
الحقد واضـح لـو خفانـا لهيبـه=هذي سوايا العفن ماهي بتخميـن
لعيون ابو هلـه وشرهـة قريبـه=ومن شان بنتن سكنوها حمر عين
ياخذ من العشره عشر في نصيبـه=هس الامانـه ميـر حنـا غنييـن
ماهي على مثلـه سوايـا غريبـه=هذي وصايا جده اللي من سنيـن
والا انت ياكحيلان ما فيـك ريبـه=قافك على السنه وبيتك على الدين
خل الخسيس وشينته وش نبيبـه=ما يطرد المسكين غير المساكيـن
واعرف ترا ربعك بفعلـك مجيبـه=تفخر بمثلك يا طليـق الحجاجيـن
وياحرب باقي واحدن لـه طليبـه=يبغى يـرد الثـار قـدم الملبيـن
مدامها صدت عـن اهـل المعيبـه=وصار الحكم بريالهـا والدكاكيـن
تكفـون بالله لا تضيـع الذهيبـه=به واحدن عينه تحـوف الملاييـن