دعوى من العين ضد القلب=ياقلب ياللي سلبت النـوم
والقلب وده محامـي ذرب=فاهم مجرب ولـد زيـزوم
ياعين كنتي السبب في الغلب=ويـامـا بفـعـلـك لحـقـنـي لـــوم
شفتي المحاسن وجات بسَلْـب=وعقّب لي شوفك وراه سهوم
كانت ركابي فشرق وغرب=وأنت مكانك لنا محشـوم
واليوم رافقتني فالـدرب=أفضت بحري بهم ايـدوم
الآن بعد اشتعال الحـرب=من بعد صار الهنا موهوم
درتي علينا فقسمة وضرب=من الذي بالخطا موسـوم
للعين نظـره بأمـر الـرب=وبالثانية أنت الذي متهـوم
والعين تنظر بكـره وحـب=إذا اعطى الأوامر مليك القوم
منكِ الفكر بالمعاني شـب=وصوَّر عوالم ما بين نجوم
وكل الذي فالوعاء يْصَـب=يا تيك نضحه قضا محتوم
ياقاضي العدل يا ذا اللب=أقرا الدعية و أنا مظلوم
فاللي ظلمني ورماني فغب=زين المناظر غدتلي شوم
معروف منهوالسبب في الحب=يالظـالـم الـلـي تـهــم مـظـلـوم
قرينـا الدعـاوي وشفنـا الطـب=واحكـام تصـدر علـيـه اخـتـوم
شــاهــد دلـيـلــي ولا تـتـعــب=واعطيك بعض العلـوم اعلـوم
بـشـار اعـمـى شـكـا يـطــرب=من صوت قمري غـدا مهمـوم
القـلـب عـمّـا سـمـعـت مْـغِــبّ=والسـمـع نـايـب لـشـوفـه دوم
مـا كـل شوفـك وسمعـك حَــبّ=إلا بْمَـدَاخِـل عـلــى المـفـهـوم
ومـــا ظـنـتـي لـلـفـؤاد يـطــبّ=إلا بعـلـمـك وشـــي مـقـســوم
والأرض تسقي النوى والحَب=قـانـون بـيـئـة لـهــا مـرســوم
إثبات جاكم عماده صلب=بحر الموده خطير العوم
جميل عاشق عليل اللب=لبه بثينه أحـب البـوم
رآها بقلبه وفيها شـب=هايم تشبب بها مسقوم
والقلب حبه غيابت جب=ظني بناكم بدا محطـوم
فواز الزويهري (المرافع عن العين )
بحمد من لله تمكنت
الجهات الأمنية في هذا الملتقى الرائع
من القبض على المجرم الهواوي
صاحب الود والحب و و و و و و و ...)
ا
لمحامي البارع :
الغالي بيان الصمت
هذا مــوكلك كــبلناه=ماباقــــي إلا القضـــــاة ايجـــون
معنا إدانـــة بـــما ســـواه=غــير الجرايم عـــليه اديــــــون
...
فواز الزويهري (المرافع عن العين )
ولقد حضر أيضا المظلوم المسكين
( العين ) ليرافع عن نفسه
)
ياعين بكره يبان الحق=كفي دموعك صباحك نور
بكرة قضاة العدالة تشق=ثوب الخيانة ولبس الجور
ملاحظة : القضية لم يبت فيها
ولا نعلم من الظالم ومن المظلوم
لابـــد نـعـمــل لــكــم جـلـســه=ونكشف خطاء الحكم وسبابه
يمكـن صـدر حـكـم بالخلـسـه=او ســبــت اشــهــود كــذابــه
بعد التداول وكشف السر=بان الخطاء عندنا واضح
العيـن سبـت خطاهـا مـر=والقلب اصبح لها فاضـح
أصبر تمهل لحكمك قـر=الحكم مابه قضى سارح
واحكم عدالك وسيفك كر=لا تحابي الحق وتمازح
يا ليه أظلـم فـؤادي ليـه=و أسبابها عين مـا تـاوي
يا كم نظـره شكاهـا البيـه=و من شوفه الوضع مأساوي
ياليه عينك نظرها فيه=ظنك لقلبك تبا اداوي
هذا النتيجه وما تجنيه=قلبك بفعلك بهم هاوي
القلب مرهف و لا تشقيـه=مظلوم و الظلم لـه كـاوي
شوف السبب ابتره وامحيه=و تلقاه لأهل الهوى مساوي
أوصى على القلب من يغليه=حاضر ولنصح أنا حـاوي
أبشر وأغض البصر يابيـه=لو كنت لصيـد متشـاوي
أخيرا أعترف إن القلب كسب القضية وأقول
القلب أرض العمل والقول=والزرع ناتـج مسيرتنـا
يالله عبدك قليـل الحـول=نورك ولطفـك هدايتنـا
ولكم أعذب تحية
ودمتم سالمين