المشاركة الأصلية كتبت بواسطة محمد الفارس

يانخوة الشعر يــ القرم الأصيل الحشيم = قم.. ذود عن عرض أعز/ وخير/ وأطهر بشر
والـــّلـــه لو ماتدافع عن نبيٍّ عظيم = حرام تذكر.. لــيـا جابوا جزيل الشعر
ماعاد فيها سكوت ولا مسامح كريم = إلا (مـحــمــد) مانرضى فيه يكتب سطر
إن كان ماذب عنه فْــ . جعل شعري عقيم= هذا شفيع البشر لا جـا نـهـــار الحَـشر
كريم / صادق/ أمين / وعف / عدل/ ورحيم= الله مطهّر فؤاده يوم ( شق الصدر)*1
يكْــفي اليتامى فخر يوم انه أشرف يتيم = واشرف قدم لا وطت رجله تفوح بطهر
العادل/ الوافي / الجزل / الشجاع / الحليم= يكفيه عتقه بــ ( يوم الفتح) للّي غدر
ماباقي إلا يـسـبّــه دانمركي لئيم ؟!! = ثورٍ يخور.. ويدلّـل في بلاده بقر !!
طــــــه يهان وشموخ الدين ينزف سقيم!! = وحنّــا عجزنا نقاطع منتجات الكُــفر!!!
والمشكله ندري ان الوضع فعلاً جسيم = لكن سكتنا وهذا أشد وادهى وامر ؟
مليار مسلم .. ولكن ! قلب ماهو سليم ! = وشلون نرضى على ذل الخنا والقهر؟؟!!
مثل الفراشه تبعناهم لنار الهـشــيم = نطيح ونجامل أهل الزيف واهل الكِـــبر
مادام حريه .. وكلٍّ برايه خصيم = نبي نسلّط على (الخَنْزَب)*2جيوش النـشر
يانصرة المصطفى هـبَُـوا لـ طـــــــه الكريم = تفداه أمي وأبوي وعاتقي والنحر