عابر سبيل وجيت طرقـي وزوار=
من دار نور الحق منهـا يجيهـا =
من ديرتاً ضمة جسد خير الابـرار=
دار السلام وكـل مسلـم يبيهـا =
طيبه وطابه والمدينـه والانـوار=
والخيـر وام الخيـر داراً عليهـا =
مسجد تجيه الناس من كل الاقطار=
من اقصى بقاع الارض تأوي اليها =
هاجر لها الهادي وحيوه الأنصـار=
ومنها ابتداء الأسلام للـي يليهـا =
فيها بقـا للعـز والمجـد تذكـار=
من سالف الماضي شذاء يحتويها=
يفوح منها المسك وتغار الازهـار=
والعـود والعنبـر يقبـل يديـهـا =
يحتار فيها الشعر والنثـر يحتـار=
واحترت كيف ابدا بهـا وانتهيهـا =
مرة علي افكار وافكار وافكـاااااار=
ويكفي اذاء قلت النبي عاش فيهـا =
منها لفيت وفي يدي دفتر اشعـار=
ولي قيمتاً وسط العيون ارتجيهـا =
واشيل في قلبـي تحيـه ومقـدار=
ومقدار نفسي حافظـه وارتجيهـا =
تبقى على عهدي بها وسط الاحرار=
وعن زلتي وسط الرجال احتميهـا =